पुढील पाणी वाटपा बाबतचा निर्णय 26 जुलै नंतर त्या वेळेच्या धरणांमधील असलेल्या पाणी साठ्याचा विचार करून घेण्यात येणार पुणे मेट्रो लाईव्ह : पुणे शहराला पाणीपुरवठा करणाऱ्या चार धरणांमधील पाणीसाठा कमी झाल्याने पुणे महानगरपालिकेने 4 जुलै ते 11 जुलै दरम्यान एक दिवसा आड पाणी पुरवठय़ाचे वेळापत्रक जारी केले होते. परंतु, बकरी ईद आणि आषाढी एकादशीनिमित्त 8 जुलै ते 11 जुलैपर्यंत दररोज पाणी पुरवठा नियमितपणे सुरु ठेवण्याचा निर्णय घेतला होता. गेल्या चार दिवसांत पडलेल्या पावसामुळे आजमितीस चारही धरणामधील पाणीसाठा वाढला असल्याने दिनांक 11 जुलैपासून 26 जुलैपर्यंत दररोज पाणी पुरवठा करण्यात येणार असल्याची माहिती पुणे महानगरपालिकेच्या पाणीपुरवठा विभागाच्या मुख्य अभियंता अनिरुद्ध पावसकर यांनी दिली आहे. पुढील पाणी वाटपा बाबतचा निर्णय 26 जुलै नंतर त्या वेळेच्या धरणांमधील असलेल्या पाणी साठ्याचा विचार करून घेण्यात येणार असल्याचेही त्यांनी सांगितले.